Andrea Maini si interesse for orgel starta som fireåring i Bologna (Italia). Han fekk si første orgel undervisning av tanta si, organist og musikkvitar Grazia Zugan. Saman med henne fekk han også lytte til musikk av J.S. Bach spelt inn av Gaston Litaize i Notre-Dame de Versailles og av familievennen Marie-Claire Alain. Samstundes fekk Andrea privatopplæring i klaver i en periode på ti år av Alessandro Benini. Han fekk som ung gut orgelopplæring med Luigi Ferdinando Tagliavini og Liuwe Tamming i Bologna. Andrea studerte vidare med Marco Arlotti og Gianpaolo Bovina. Han perfeksjonerte seg deretter med Edoardo Bellotti, Francesco Cera, Hans Fagius og Gustav Leonhardt.
Andrea Maini har vore kantor i Fjære kyrkje sida 2004. Han har deltatt på Norsk orgelfestival i Stavanger og hatt konsertar på andre festivalar rundt omkring i Europa. Fleire prestisjetunge kyrkjer som Laterankirken og Sant’Eustachio i Roma, St. Kajetan i Praha og domkyrkjene i Ventimiglia, Napoli og Monaco har teke imot den italienske organisten.
Andrea Maini har konsertert på fleire historiske instrument frå 1500-talet blant anna på dei to eldste orgla i verda i San Petronio-Basilika, Malamini-orglet i San Pròcolo-kyrkje i Bologna og på Antegnati-orglet i Santa Barbara-Basilika i Mantova. På sistnemnde instrument spelte Andrea også musikk av Eilert Hægeland med ‘blåtonar’ av di dette orglet har spesielle tangentar til desse. Andrea har bestandig vore oppteke av sambandet mellom reinstemte orgel frå renessansen og toneskalaar nytta i folketonar frå Agder.
Andrea Maini er initiativtakar til Orgelakademiet i Grimstad og spesialist på tidlegmusikk. Han er ettertrakta som førelesar i barokkmusikk. Han har førelest for NMH orgelstudentar. I fjor blei han invitert til å halde ein fagdag for alle kyrkjemusikarane i Møre bispedømme om italiensk orgelmusikk frå 1500- til 1700-talet.
Andrea har omfattande erfaring som kordirigent. I 2006 starta han Fjære kammerkor som har fokus på renessanse- og barokkmusikk og framført blant anna motettar av Gregorio Allegri og Sacrae Cantiones av Carlo Gesualdo.
Til slutt vil eg gjerne trekkje fram det fleirårige samarbeidet med fiolinisten Lars Audun Hadland. Han inspirerte meg til å skjøne musikk som ein sekvens av harmoniske spenningar og avspenningar. Samarbeidet med operasopranen Laila Thortveit har inspirert meg til å overføre den vokale fraseringa og cantabilità til orgelspelet mitt.
